به مناسبت بزرگداشت هفتادوهشتمین سالروز نکبه فلسطین، مراسمی از سوی سفارت دولت فلسطین در جمهوری تاجیکستان برگزار گردید.
در این مراسم، دگرجنرال محمدظاهر اغبر، سفیر و نماینده سیاسی مردم افغانستان در جمهوری تاجیکستان، همراه با هیئت کاری سفارت اشتراک نمودند.
در این برنامه، مقامات جمهوری تاجیکستان، رؤسا و نمایندگان هیئتهای دیپلماتیک، سفرا و شماری از مهمانان خارجی نیز حضور داشتند و پیرامون وضعیت مردم فلسطین، رنجهای انسانی ناشی از آوارگی و اهمیت حمایت جامعه جهانی از حقوق مشروع مردم فلسطین سخنرانی کردند.
سفیر افغانستان ضمن ابراز همدردی با مردم فلسطین، بر اهمیت تأمین صلح، عدالت و احترام به حقوق انسانی تأکید نمود.
سفیر کشور فلسطین در جمهوری تاجیکستان؛ گفت مردم فلسطین بیش از ۷ دهه می باشد که ظلم، جنایت های بشری، محاصره و قتل عام ها را تحمل کرده است اما هرگز تسلیم نشده اند و نخواهند شد.
سفیر کشور فلسطین از برگزار کنندگان این مراسم یادبود ابراز خرسندی و تشکری نمود و بیان کرد که کشور جمهوری تاجیکستان، مرکز اتحاد فرهنگیان جهان می باشد.
شاه پور نایب زاده
